Tthen lai zaan ( Auto )

"Dam ten ton than nak
Caan um hram ko so seh,
Zing nu sin thla zaa
kan cam lai,


kan i ton than hlan
tiang dan ten mangtha


zungzal an philh lo
tu ding" . .
*** ***
tiah thianghlim ngaiin a Auto pekmi cahmai pahnih nakah a ttial. A lai ca ttial cu thiam hlah hmehseh a thianghlimmi a Auto nih aluan cia caan kha athar chuah tthan lengmang. Ruah chialmalin a ttialmi a si lai ti zong kha ka ruat.

11/20/2008 zaanlei sangah Malaysia in USA lei kal lai a si caah khuami he thlacamnak ngeih in rawldumnak tuahtti asi. Auto te cu a zal chung teah pek ding cu a rak i ken ko zong kha theih a rak si lo..A caan cu a liam a rang khun,,A hmaikhi hawihmai lei a hoih ngamtheng lo.A ruangcu zohtu an tam. Ruan lo piin caan nih tthen duh lo zongah a vun liam pi cu, kan ttin lai a vun ti ko. Cu ruangah a ho nih fail lo in thlah ding cu aa thawh ve ko, A hawipa zong leihthei lo ngaiin a rak i benh cih ve, a kut te tal tlaita ning tizongah a pawng i a um ia ummi a hawi nu hmai khah asi lo i a leihthei lo pa zong cu tthen lai sian lo ruangah a pawngah cun a benh ve i a si thiam lo. An inn cu a nai chin lengmang cang i tiawk a ttha ti lo, amitmu chung in rialti chuah aa timmi zong thlaoh a si.

A zalchungin zeidah a chuak hnga tiah vun zoh cu pauah pan te ahring nawn te le Auto ttialnak cauk a si. Khah va kal ko law a vun ti pah cun a vun pek. Kan itongtthan te ko lai minung phung a si. Tthen cu duh hlah hmehsih hika hi um kan i timhnak a si lo i kei zong kaa lawm ve ko a ti lio ah khin a hmai cu kaa dang a zoh. Dir awk a ttha lo kal cu a hau i an hleihlak tiang a kut dong te hmenh a tawng ta lo. Si hmenhseh hleihlak kai lai takcun a kut thleih awk lo ttha lo in a ngeih a chia cang, a celh ve ti lo ruagnah a kut te cu a zuun te'n a zuun. An pa hnih te,n an i zoh lo. A Auto pekmi zong rel a fial ko nain a relngam lo, a yin a khung i a ngeih a chia. Azaan cu ticun a lungleng i khau lawng a tuak cang, yah! keinih zeital ka pek ve lo tiah a ruat i a sianlo bikmi tanghra a kai lio laksawng a hmuhmi Bible cauk le a hmanthlak pahnih kha a hawipa sin in rak ka pekpiak te tiah a chiah tak. ( a sungbik adawtnak a langhtermi cu a dawtbikmi nih a hmuh piak maw a hal ngam ti lo ) .

11/21/2008 suimilam cu a hung phan a caan kal a rang khun i zinglei 4am a si hmenh a thei menh ti lo. A hawi le nih an dawt i a kal lai bus cung phak tiang zan zoh. A zoh hna ah a mitthli ho nih fial bang a luan ruangah sau zoh ngam hna lo in a kut te a cawi chuahmah lio ah Bus cu KIA airport lai panhin a kal caah an i hmu kho ti hna lo.KIA airport in Sweden lei a kalmi vanlawng cung a vun phak cu a mitthli lawng a hnawh cang. Van lawng cu in khua a zohmi khualalumpur khua nih alunglen a chuahter. Khualalumpur a vun lonh i a lungchuakmi bia cu hihi a si. " Dawt nang he um tti lioah a caan hi sunghloih zia thiam lo hmenh ning nang he tthen hnu cun nanghe umtti zeithluk a nuamh zia ti zong kha a vun thei cang " tiah a mah te lawng khua a ruat. Dawtnak ruangah achuakmi lunglennak cu mitthli phur tuah an cang dih cang.

A ruah bel lomi lunglen nak nih caan sau tthen ding cu tuak kho hlah hmenhseh aduh a si lo, a thim a si lo, vanlawng cungah mitthli lawng a luang. Celh awk a tthat ti lo ruangah a zoh sian lomi Auto te cu a vun zohah a hmnthlak te aa tar, mirh nawn te khin a um i a caah a lunglen a zualter chin. A chung bia nih a thiang hlim i a rel a naum.

A celh ve ti lo i van lawng cung a ttialmi Auto chungbia te cu hihi a si;;

Lungsiaherhin in liam ko kun ning,
Na dawtnak kaakhat annkaa tong ta loin...
Hmenhseh khi ram le maw thluangdangah
nangzuun ngeih in ngeihnak capar ttial ka dai lai lo...

tiah a Auto cung hmanthlak cu amah caan ah hmang in bia aruah. Tthen sianglo a dawtnak mitthli nih a Auto tttialmi hman thlak cungah padak padak tiah a tlak. Tontthan nak dingah caan liam lengmang hna hlah hmenh seh a ngeihnak cu caan khat hnu caan khat a zual chin lengmang bang a umnak ding Grand Rapids cu a hung phan. A phak zaan cu Snow a thla i a dawhtuk in a hmuh. Sihmenhseh a tonmi dawhnak hna nih a lunglennak cu hulter hna loin a zualter chin i Auto chungah a Dawt a ngeihnak bia cu a phuan tthan;;;


Thirh siarmar, kaa hmenh aang ngam lo
nang zuun tuarin, lunglen changtuah
Ngeihnak capar cu tial ai cang..
Zeitik tiang maw ka dawt!
Chuahsemtti phun hawi umlo Grand Rapids ah kum caan rel in..
kum zaa tluanin nangtel lo ttuan zaa rel lai...
ton tthannak dingah Cungzingnu nawl si hram seh.....

tiah a lunglennak ca cu a ttial tthan....

B. Bawi Mang