Kan Hngah Rih Ko


King rirei in, zaantlai hnu ah
Mitthli a zuur, online kau ah
Kha tluk dawtnak, hnawh hnu zongah
Na min a taang, chat chung zoh ah
Hnon siang si lo, na dawtnak bia
A tlum ka ti, kha lio caan ah

Kaa hngilh thiam lo, kan chawnh na ti
A caan tuak lo, zaanțim zongah
Chim awk tang lo, chawnh sau ruangah
Na ngol hlei lo, ka aw na ngai
Chikkhat deih ah, holh hen na ti
Holh awk ka kawl, tuanbia kan chimh
Capo ka sai, nang lomhnak ca’h
Na nii khaung len, chantling tangah
I hngilh ka duh, ka thlim na ti
Thiam tawk kaa zuam, na aw deih tiang

Hmanhseh!!
Dawh hlei na kawl, valkip sin ah
Na bia a thlum, phone rat kip ah
Na lung naa mer, țhennak sauh cun
Biazaa cah laang, chim awk theih lo
Lunghnem tu ah, Biazai tal in

Kei bang dawtu, na ton ahcun
Liam dai ko law, lungduh sinah
Lungsia herh hlah, kei bang dawtnak
Rak tah te law, an dawt nak he
Kei bang dawtnak, a ngeih lo cun
Rak kir than te, kan hngah rih ko……