Lai nungphung

Salai ai ti, Laimin a lang
Vapual ai ti, Lainun a lang
B.Bawi Mang aa ti, a phun a lang
A vai dawh dah, Laiphun ttanh cu

Hmanhseh!!

Lai nunphung hrawk tu, Lai mifim
A aupi len, Lai phung kong cu
Zah ngalh lo in, Laimin a hrawh
Mirang min aa benh, Bible name a ti
A nun zoh ah, zeihlei a tuah

A thei thiam lo, Laimin hrawh hi
phung buar a si, ttha te tuak cun
a pa na hrin, Mirang min na bunh
a nu na hrin, na min na bet

Bible name nak cun, Bible nun a tha
a nun i lak, Laimin thleihchan law
Pathian serning, amah kel in
karh ter i zuam, Lai holh tein

Holh dang ngeih le, min dang ngeih hi
Pathian ser ning, si ning zulh le
miphun pa khat, singning hgalhnak
a langh ter tu, Pathian ser ning
Hauhruang chungah, tlawnlen a si
Laiphung chungah, na min bunh law
I philh ti hlah, Laimi na si.....



--

B.Bawi Mang
Columbia SC,