Faarhmui

Phuang ţhan ai laang, lunglennak bia
Chuahchan ngei lo, naang zuun tuar cu
Nang ai kaa pom, na hmanthlak te
Hnon siang ţung lo, mithli sawmtu ah

Bohte thlapa haoh bang, ţap len hmenh ning
Saan a tlai ţung lo, ton lai nak ah
Tuk chih aa huah, duhnak ruangah
Caan khat hnemtu, thil dang thlengin
Au len hmenh ning, online zongin
Hlawkmi um lo, ngeihchiatnak lawng,,

November in December thla ah
Thinghnah hring in rocer ah
liam ai hna maw, khausik chuah cun
Hmanhseh anih caah, hmaikum ţhalcaan
Ruahchan awkum, parţhan lai nak ah

Thla nih liam bang, lunglen an sawm
Lunglennak in mithli sinah
Khirhtthan hna lai, lunglen nak caan

Hmenhseh !
ruahchan awk ngei lo, kum chuak lai zong
corh ţhan thiam lo, faar (fir ) hmui bang