Ruahzaam

Zaan ţim khau dai, lunglen fah cu
Phanmi biazai, zeizat ko maw
Ţial ko hmenh ning, nang chawnh can ah
Ai rolh kho lo, lungchung um zat
Can tin kan ngai, zaanmang tiangin

Meriam thiam lo, tlaungdang hram cu
Nang kong hal zawn, khupţhi sinin
Lungdang naa mer, nehhnu philh in
Kan tiam lungduh, ţaang cung pomin
I thlah siang lo, fek riprep te’n
Ţhen tim hna bang, caan tawi na ti

Na len rual sin, ţhut caan hmenh ah
Lunghno ngai in, thloh len ka tong
Mitthli zaa he, ţhen lai phan ah

Hmanhseh!!
Na laim a tuan, ruahzaam bang in
Ţhentu um lo, ho val ruang hen
Liamlan naa tim, na ţa philh in
Ti awk ţha lo, caan khat dawtu
Ka sing ruangah, ka lung alawm
Chanchung tiangin, hram ai kun ning
Fak vai va bang, tlaungzaa cawl in..