KUMTHAR SINAH

Liamtuan ai maw, ni caan vialte
Zelhawk ţha lo, kum hlun sinah
Liampi ve law, dawt zuun vialte
Khirhawk ţha lo, dawtnak kaakhat ruangah
Lunglen a sau, caan tin chuakin
Tharchuah ţheu hna, nehhnu tuan bia..

Zaangfah kan nawl, nang sin lomhnak
Co ve ka duh, zuunţing philh in
Caan tin ka hram, lungrep ngeilo ruangah
Lungthin a faak, lungdo hma bang
Philh dih ka duh, liamcia tuan bia..

Pasal tlah ţem, cat cang ko seh
Tonkip nuamh thiam, par kip sinah
Khuang ve cang ning, ianghlei thim in
Kumthar ra law, kumhlun liam seh….