Sinah

Lungrawn khua chuaktak in maw,
Tlangza cawl in ramdang ah ee.

Fakkhun ka ti tluangdang phak hnu,
Semnak zuun tuar bu rianhraang ţuan cu.

Zei ko nih maw ţhenter ai hna,
Țhen sianglo Lairam le maw Laimi hna.

Hnemtu ngeilo hram rih kun law ka Nu,
Na hrin seihno hna lungthlitum tlin hlan cu.

Phengtu Cinrungtlang le maw Zinghmuhtlang hna,
Lungţhul hlah law khuadei caan phaak hlan cu.

Oh! kei zong kaa zuam zingdoi cuan in e;
Hmuhlo tlang phen tluangdang ah ee

Țhentu Pa Tan le maw Ngaleu rual hna
Lungkhong ko rihlaw, suikip chutin hngawngawh na ton hlan tiang.

Kei caah ka ral,
Țhentu Pa Shwe le Mahkap rual,
Phuangtu Capar le maw Biazia, kei caah thazaang...