A sungkhunmi thla


Ka cuan kha hlan, hlan lio caan ah

Lungduh ka caui, ngunsawm kawl in

Ramkip ka cul, zeiruat lo in

Ka philh ka ram, hringtu ka pa zong



Hnemtu ka kawl, khupţhi lak ah

Ianghlei ka thim, parkip lak

Lungum ka phuang, caan lawng kipah

Zaitin ka zai, thlavaang tang ah

Siangbah ţingţang, hnemtu si tawn



Hmanhseh!

Ngunsawm vialte, hrawktu si hna

Hnemtu vialte, lungkhaui tu ah

Parkip vialte, lunglenter tu ah

Ka thim vialte, lo dih ai hna



A tu ka fiang!!

Kei caah a chuak, semuang thawngin

Caantin kaa lawm, lunglen caan zongah

Merem zungzal, thlavaang tang ah

Lungkhauitu vialte, dawtnak fainter tu ah

Kei caah a sung, December thla

A nuam ka ti, kha hlan nak in

Caan ţhing vialte, liam dih cang uh!!!!