Dawtnak ruangah

Ihngilh thiam lo, a ra lai ruah ah
Merem thiam lo, nang zuun tuar cu
Mitku thiam lo, Dawt kong ruah ah
Ruat thiam hna lo, len hawi zong nih
Theithiam hna lo, lungfaahnak bia hna
Phuanthiam si lo, lungum bia zaa

A ra lai ruah ah, mithli a zuur
Nang zuun tuar cu, biazai an sawm
Dawt kong ruah ah, zuunţhing ka ngai
Len hawi zong nih, ceih len hna lai
Lungfahnak bia hna, caantin ka rel
Lungum bia zai, kei caah mitthli

Mitthli a zuur, caantin laim in
Biazai an sawm, lilen nak nih
Zuunţhing ka ngai, zaanguai caan ah
Ceih len hna lai, kan tuan bia
Caantin ka rel, fiakfai va abang
Kei caah mithli, velhle annkaa

Caantin laim in, hram ai ko ning
Lilen nak nih, caan sua ai ko seh
Zaanguai caanah , in hlam ai ko ning
Fiakvai va bang, phuan len ai ning
Velhle annkaa, uaipi ai ning…………….