Lai Nute ( 2 )


Aa theih hlei lo, a ruam a kai

Nolh chap rih lang, a hmape ah

Ar hma cuk faak, biatuk faak tiah

Lungfim deuh seh, hi bia hmang in



Keuku a hlaun, a ta kawng cu

Hnulei aa mer, hmailei a hoih

A ni a khaung, Ar la te bang

A lung aa hmuih, thlalang bih ah

Aa euh aa khiak, zeichuak lai bang

A lung a tling, a hmanthlak cu

A rong a thlen, ngo deuh a duh

Aa ttemh aa moih, Facebook caah



Zarhpi ni lai, aa ngaih tuk ah

Kholh cia a duh, zarhteni zaanlei in

Hawi hnu chuah duh, pumh kal zawn ah

Pumh chung Phone rin, lar ah a ruah

Hnu hmai ai her, thlacam kar ah

Ngiatu a kawl, mit chinh lo in

Zohtu ton ah, duh ah aa ruah



Online ah a tthu, Busy a piah

I manh lo khi, lar ah a ruah

Ot aa tim lo, chawnh ve lo cun



Pa te ruah nak, a tlai rih lo

Tuak seh hi hi, fak deuh vak in

Nute tuai awk, Daarkhaung cumh awk

Aa lungsak ngai, Pate capo

Athli a thlah, Aw hno ngai in

Liampi te lai, chawl bur taangah...



Lai Nute cu.......