Laipa
Tipi Tio kap, a chuakkehnak
Hakha a lonh, riakmanh lo in
A pal Rangoon, Khawhtawng khua tiang
A phan khuapi, Malaysia ah
A phak thaizing, kawldawr a panh
A ri a kio, velhding a kawl
Keimah aa ti, Laipa sin ah
Amei aa thuh, Kawlpa hmuh cun
Hmuhcia ngunchaw, ti bang a zut
Inn man pek awk, borrow a cawi
Neihchun phaisa, yahkoh ( police ) caah
Hmanhseh! a van a tha
US a phan, Cungzing thawngin
Aa chimthiam ngai, amah tein
Fimkhun aa cuh, Online chungin
Nu kip a helh, ei lo Ar zong
BMW motor, foodstamp ei pah in
Aa mongh vuaimai, kalnak ngei lo
A rian a panh, sathahnak hmun ah
Cingla rualchan, hawi hngar lai le
Khuup tleek tohrolh, I hruk lio le
Miince keden, I denh lio kha
Philh dih aa tim, min langh duhah
Maw!
Laipa i suum, na khaini man le
Na beer man in, inn tung derh law
Rualchan hlam cang, na ram caah….
7 comments:
a ttha bak si.... mah na biazai phanmi cu..... ka uar kho tuk ee............ kan i lawm tuk, rak kan zuampiak rih ko law
ttha chin lang mang ko Bawi, Lai nute lawng na tthuat hna le an ngeih chia kho tuk, Laipa pawl nih zei thei lo in Lainu kan soi hna,na Biazai a rel mi hrim2 cu kan lung a hmui kho tuk le, a tu na Biazai a rel mi cu kan thla kik ngai cio lai dah ka ti......(kei mah zoh deuh in ka ti mu :)...)
Lunglawmh pi bu in
Nibawi(Malaysia)
Na biazai phanh mi atha hrinhran kan zuam piak rih ko. Kei mah nun cawn piak tu hrimah atha khun.
ah,.lah,..na thiam dan tlamtling bak si,..mah na bia zai hi ka ruah tik ah lai pasal tam tuk nih hlan lio kan dir hmun le tu lio kan diar hmun caah fak tak in khuaruah khawh nak a lam a kan awn piak tu a si hrimhrim lai ti zong ruah nak ka ngei,...pathian nih na biazai hmang in kan ram le kan miphun thancho nak ding caah thlawchuah kan pek piak ko seh,..ti in by,..(KHAMH BAWI THAWNG)
Na biazai cu a thatuk hringhran... ka ruah tik ah a hmaantuk mi asi...Na riantam pi lakah kan zuam piak peng mu....
Thazaang a rak ka pemi nan dihlak cungah kaa lawm ko.. Ka rak i zuam pengrih lai!!!
A ka dua nan thiam tuk hi ram dang um mi pawl cuh lung fim nak pak in um ,,,rak tial lang mang ko rak kan zuam piak peng kok//
Post a Comment