X-masni thengah

Umhar ka ti, Khauchin tluangdang um cu
Len hawi hna he, kawngkioh len lio kha
Puan zuunkhat hrawmin, zalam tlangah
Au len hna lai, semnak lungrawn khua cun
Meiphu toh in, biasawngthlorh caan ah
Kei bel ka bau, khupţhi sinin.....

Chungkhar pacem, sahrawn cawkmi
Cuh len hna lai, semmawng rual nih
Arte ngeihchun, thaithawh caah
Ei ţi hna lai, chungtling hna cu
Dawtu ka pa, fapa ngaih in
Hlam len lai mu, zaanmang tiangin
Khirh awk ţha lo, mahkaap ruangah
Keibel ka bau, run inn chungin

Philhawk ţha lo, khupţhi hna le
Lungrawn khuahlum, chungkhar hna zong
Cherrypar ţawh in, Biakinn ţemh caan
Celeu va hna le, uihlaihli va tiang
I lawm hna maw, ţuangpar tlaan in
Awn len hoi lai, innchak khupkhi kungah...

Hmanhseh kei bel, mitthli zaa he
lileeng khun ai, chungkhar hlam in
Hram len ai laang, X-mas ni thengah…….